വൈഗയ്ക് !

ഒഴുകിയകലുന്ന വൈഗേ.. 

നീയറിയുന്നുവോ നിന്നലിഞ്ഞില്ലാതാകുന്ന എന്റെ ചേതനകളെ..
പ്രതീക്ഷകള്‍.. കുന്നോളം ഉണ്ടെന്നാലും, പറഞ്ഞു തരിക വയ്യ
ഞാനേതെന്നും എനിക്കെന്തെന്നും ...
ഇന്ന്, ഇന്ന് ഞാന്‍ നിന്നെ കുറിച്ചാണ് ചിന്തിക്കുന്നത്.
നിന്‍റെ ശരികളേയും , നിന്‍റെ വഴികളെയും തേടിയാണിനി എന്‍റെ യാത്രകള്‍.. .
എന്നിലാണ്ട് വളര്‍ന്നു നില്‍ക്കുന്ന താമരതണ്ടുകള്‍ നിന്നെയും നിന്‍റെ ഒഴുക്കിനെയും അറിയുന്നുണ്ട്.
അവ എന്നോടോ നിന്നോടോ ഒരിക്കല്‍ പറഞ്ഞു തരിക തന്നെ ചെയ്യും.. നമ്മില്‍ ആര്‍ക്കു തെറ്റിയെന്നത് ?
എവിടെ തിരുത്താമായിരുന്നു എന്നും ... ? ?

കാത്തിരിക്കാം, നമുക്ക് ഇതിനെങ്കിലും ഒരുമിച്ച്..
ഒരുവേള ഒടുവിലെ കാത്തിരിപ്പു..

ഇന്നിന്‍റെ ശരികള്‍..
അവയക്കായി നമുക്ക് കാത്തിരിക്കാം !